Your-paragraph-text.jpg

Punëtorët seksual në RMV kërkuan të drejtat e tyre në shesh, „Mollëkuqja” mbështet kërkesat e tyre

CEO

December 17th, 2021

Dekriminalizim të menjëhershëm dhe njohjen e të drejtave të punëtorëve të seksit, kërkuan sot përmes një marshi në Shkup punëtorët seksual dhe aktivistët për të drejtat e njeriut, sipas tyre, kjo do i mbronte ata nga dhuna dhe keqpërdorimet, shkruan Mollekuqja.mk.

Me simbolikën e ombrellave të kuqe, dhjetëra gra e burra në praninë e disa punëtorëve seksual sot marshuan në rrugët kryesore të Shkupit për të dërguar mesazhin e tyre drejt institucioneve përkatëse.

Monika Taseva, një prej punëtoreve seksuale prezente në marshin e sotshëm potencoi se shpesh herë këta punëtorë keqtrajtohen ndërkaq institucionet nuk u dalin në ndihmë.

Kërkojmë dekriminalizim të shpejtë dhe pa vonesa të punës seksuale në vend dhe njohjen e të drejtave njerëzore dhe të punës të punëtorëve më të vjetër në botë. Kërkojmë dekriminalizimin e punës seksuale pasi dekriminalizimi ndihmon në mbrojtjen nga dhuna dhe keqpërdorimi

Monika Taseva, punëtore seksuale

Ajo potencoi disa nga problemet me të cilat përballen punëtoret e seksit ndërkaq inkurajoi punëtorët seksuL që lirshëm e pa frikë të denoncojnë çdo shkelje të të drejtave të tyre.

U bëjmë thirrje institucioneve që të tregojnë përgjegjësi në zgjidhjen e problemeve me të cilat ballafaqohen puntorët seksualë. Poashtu i inkurajojmë punëtorët seksual që lirshëm dhe pa frikë të lajmërojnë çdo shkelje të drejtave të tyre

Monika Taseva, punëtore seksuale

Ndryshe, ky është marshi 14 me rradhë i punëtorëve të seksit në Maqedoninë e Veriut. Marshi filloi nga sheshi Nënë Tereza dhe përfundoi në sheshin Filipi i dytë kaloi në mënyrë të qetë pa ndonjë incident.

Qendra për Mundësi të Barabarta "Mollëkuqja" mbështet kërkesat e punëtorëve të seksit dhe bën thirrje institucioneve kompetente në vend që të marrin parasysh këto kërkesa. Punëtoret e seksit janë punëtorë dhe si të tillë duhet të gëzojnë çdo të drejtë.

Ardit Ramadani

Ardit Ramadani

Ardit Ramadani është magjistër i Komunikimit Masiv dhe Gazetarisë. Ai është autor dhe redaktor i disa hulumtimeve. Më herët, ka punuar si verifikues i fakteve në Vërtetmatës.mk dhe Crithink.mk, si gazetar në ‘Portalb.mk’ dhe në Televizionin Kombëtar ‘Alsat M’. Aktualisht, Arditi është kryeredaktor përgjegjës në portalin ‘Mollekuqja.mk’ dhe udhëheqës i hulumtimit në Forumin për Ndryshime në Arsim. Arditi është bashkë-themelues në të dy këto organizata.

donor image

Përmbajtja e kësaj ueb-faqeje është përgatitur nga Mollëkuqja me mbështetje të popullit Amerikan përmes Agjencionit për Zhvillim Ndërkombëtar të Shteteve të Bashkuara të Amerikës (USAID). Pikëpamjet e autorëve të shprehura në këtë ueb-faqe nuk reflektojnë medoemos pikëpamjet e Agjencionit për Zhvillim Ndërkombëtar të Shteteve të Bashkuara apo të Qeverisë së Shteteve të Bashkuara të Amerikës.

Platforma mollëkuqja.mk është projekt i Qendrës për Mundësi të Barabarta "Mollëkuqja". Nëpërmjet kësaj platforme ne synojmë të krijojmë një hapësirë të sigurtë për gratë dhe burrat, ku të njëjtët jo vetëm mund të informohen për problemet aktuale që kanë të bëjnë me diskriminimin gjinor, por edhe të mund të ndajnë mendimet dhe eksperiencat e tyre.

Të gjitha të drejtat janë të rezervuara © 2024 / Mollëkuqja.mk | Made by LuckyMedia