Untitled-design-(6)-1672410210.png

Një burrë në Haraçinë me pistoletë dhe pushkë ka rrëmbyer gruan e tij, me qëllim që të heq dorë nga divorci

PASOJA

December 30th, 2022

Një burrë nga Haraçina ka shkuar në shtëpinë e gruas së tij me një person tjetër dhe kanë kërcënuar me armë familjarët e saj të pranishëm ndërsa gruas i kanë vendosur këllëf jastëku në kokë për ta rrëmbyer.

Ky banor i fshatit Orllancë të Komunës së Haraçinës dyshohet për veprën penale rrëmbim pasi me dhunë e ka rrëmbyer gruan e tij me të cilën është në procedurë shkurorëzimi, me qëllim që të parandalojë divorcin.

Në rrëmbim i ka ndihmuar një person tjetër, me të cilin kanë shkuar në Likovë, ku kanë kërcënuar me pistoletë dhe me pushkë anëtarët e familjes së bashkëshortes.

Më 7 dhjetor, nga një shtëpi familjare në një fshat në komunën e Likovës, me dhunë e kanë rrëmbyer gruan e lënduar të të dyshuarit me të cilin ishte në procedurë të shkurorëzimit. Familjarët e pranishëm janë kërcënuar me pistoletë dhe pushkë me qëllim që ta detyrojnë viktimën të qëndrojë në martesë me të dyshuarin. I kanë vënë një këllëf jastëku në kokë, pastaj e kanë tërhequr zvarrë drejt daljes së pasme të oborrit të shtëpisë

Ministria për Punë të Brendshme