Центарот за Eднакви Mожности „Бубамара“ и Правната Клиника „Емине Зендели“ започнаа да обезбедуваат бесплатна примарна правна помош за жртвите на родово базирано насилство и сексуално насилство во Полошкиот регион.
Оваа услуга е наменета за жени во општините Тетово, Гостивар, Боговиње, Теарце и Желино. Услугите ги обезбедуваат компетентни и обучени јуристи за обезбедување на оваа услуга и вклучуваат:
- Информации за пријавување насилство
- Пријавување на случајот до Центарот за социјална работа
- Пријавување на случајот до полицијата
- Подготовка и поднесување на правни акти (жалби, барања итн.)
За да побараат помош, жените мора да го пополнат formularin формуларот и ќе бидат контактирани од одговорниот тим. При пишувањето на податоците и телефонскиот број мора да се внимава, бидејќи ќе бидат контактирани преку истите.
„Ние во Правната клиника даваме информации за тоа како може да се реши случајот, даваме информации за тоа каков тек на постапки може да се следат за да може граѓанинот да го оствари своето право и изворот каде да побара помош. Ви помагаме да ги пополните потребните обрасци за разни документи“, нагласува универзитетската професорка Арта Меро од Правната клиника „Емине Зендели“.
Целта на „Бубамара“ е да им обезбеди на жртвите на семејно насилство, родово базирано насилство и сексуално насилство пристап до примарна правна помош и правна поддршка, за да ги имаат потребните информации, но и потребната поддршка за да преземат чекори за да кажат не на насилството.
„Се обидуваме да им го олесниме пристапот на жртвите на родово базирано насилство и сексуално насилство до институциите. Нашите институции многу често немаат потребни информации за тоа како треба да се третираат жртвите и кое е нивното право според законот. Преку нашите услуги се обидуваме да ја пополниме оваа празнина“, изјави Рита Бехадини од организацијата „Бубамара“.
Сите услуги што им се нудат на жртвите се бесплатни со цел да се олеснат правните процедури.
