{"id":488,"date":"2024-06-19T11:37:37","date_gmt":"2024-06-19T11:37:37","guid":{"rendered":"https:\/\/www.mollekuqja.mk\/?p=488"},"modified":"2024-10-08T11:40:00","modified_gmt":"2024-10-08T11:40:00","slug":"te-rinjte-ne-maqedoni-kryejne-marredhenie-seksuale-ne-moshe-te-hershme-pak-flitet-per-kete","status":"publish","type":"post","link":"https:\/\/www.mollekuqja.mk\/en\/te-rinjte-ne-maqedoni-kryejne-marredhenie-seksuale-ne-moshe-te-hershme-pak-flitet-per-kete\/","title":{"rendered":"T\u00eb rinjt\u00eb n\u00eb Maqedoni kryejn\u00eb marr\u00ebdh\u00ebnie seksuale n\u00eb mosh\u00eb t\u00eb hershme, pak flitet p\u00ebr k\u00ebt\u00eb"},"content":{"rendered":"

T\u00eb rinjt\u00eb n\u00eb Maqedonin\u00eb e Veriut nuk kan\u00eb informacion t\u00eb mjaftuesh\u00ebm p\u00ebr sh\u00ebndetin e tyre seksual dhe mendor.<\/p>\n

Problem mbetet mungesa e l\u00ebnd\u00ebs s\u00eb edukimit gjith\u00ebp\u00ebrfshir\u00ebs seksual n\u00eb programet shkollore, si dhe mungesa e hap\u00ebsirave ku ata mund t\u00eb diskutojn\u00eb p\u00ebr sh\u00ebndetin mendor.<\/p>\n

Si rrjedhoj\u00eb e k\u00ebsaj, ata ballafaqohen me nj\u00eb s\u00ebr\u00eb problemesh, si presioni p\u00ebr marr\u00ebdh\u00ebnie t\u00eb hershme seksuale, dhuna, mosnjohja\u00a0e trupit t\u00eb tyre, lindjet e parakohshme, sh\u00ebndeti mendor i rr\u00ebnduar dhe shum\u00eb t\u00eb tjera.<\/p>\n

N\u00eb lidhje me k\u00ebt\u00eb problem, Elizabeta Bozhinoska, drejtoresh\u00eb programi n\u00eb Asociacionin p\u00ebr edukim sh\u00ebndet\u00ebsor dhe hulumtim \u2018HERA\u2019 theksoi se t\u00eb rinjt\u00eb n\u00eb vendin ton\u00eb do t\u00eb mund t\u00eb ndihen praktikisht t\u00eb sigurt dhe t\u00eb diskutojn\u00eb t\u00eb gjitha temat q\u00eb jan\u00eb me interes p\u00ebr sh\u00ebndetin e tyre, dhe n\u00ebse kjo si mund\u00ebsi u ofrohet n\u00eb tavolinat e shkoll\u00ebs, ku kalojn\u00eb pjes\u00ebn m\u00eb t\u00eb madhe t\u00eb koh\u00ebs.<\/p>\n

Ajo thekson se p\u00ebrvoja e tyre nga tereni tregon se t\u00eb rinjt\u00eb kan\u00eb nevoj\u00eb p\u00ebr edukim gjith\u00ebp\u00ebrfshir\u00ebs seksual.<\/p>\n

\u201cT\u00eb rinjt\u00eb duhet t\u00eb m\u00ebsojn\u00eb edukim gjith\u00ebp\u00ebrfshir\u00ebs seksual, i m\u00ebson ata se si t’i thon\u00eb jo presionit p\u00ebr seks t\u00eb parakohsh\u00ebm q\u00eb mund t\u00eb jet\u00eb i pad\u00ebshiruar dhe mund t\u00eb jet\u00eb i pambrojtur\u201d, tha Elizabeta Bozhinoska.<\/p>\n

Edukimi seksual nuk i m\u00ebson nx\u00ebn\u00ebsit se si t\u00eb kryejn\u00eb marr\u00ebdh\u00ebnie seksuale, por i m\u00ebson ata t\u00eb njohin m\u00eb mir\u00eb trupin e tyre, dhun\u00ebn, sh\u00ebndetin dhe shum\u00eb tema tjera.<\/p>\n

Bozhinoska theksoi se si pasoj\u00eb e munges\u00ebs s\u00eb informacionit, n\u00eb vendin ton\u00eb ka shum\u00eb lindje te t\u00eb miturit.<\/p>\n

Byroja e Zhvillimit t\u00eb Arsimit n\u00eb RMV pati nj\u00eb pilot test p\u00ebr edukimin seksual n\u00eb disa shkolla.<\/p>\n

Ajshe Ajrullai nga ky institucion theksoi se kan\u00eb gjetur baz\u00eb n\u00eb Ligjin p\u00ebr arsimin fillor, ku si\u00e7 tha ekziston parimi se shkollat duhet t\u00eb kujdesen p\u00ebr sh\u00ebndetin e p\u00ebrgjithsh\u00ebm e nx\u00ebn\u00ebsve dhe p\u00ebr mir\u00ebqenien e nx\u00ebn\u00ebsve.<\/p>\n

“N\u00eb baz\u00eb t\u00eb reformave t\u00eb fundit t\u00eb arsimit fillor t\u00eb ju mund\u00ebsohet nx\u00ebn\u00ebsve t\u00eb klasave t\u00eb n\u00ebnta, gjegj\u00ebsisht t\u00eb mosh\u00ebs 15 vje\u00e7are t\u00eb ken\u00eb mund\u00ebsin\u00eb t\u00eb p\u00ebrzgjedhin nj\u00eb l\u00ebnd\u00eb p\u00ebr edukim gjith\u00ebp\u00ebrfshir\u00ebs seksual dhe q\u00eb do t’i edukoj\u00eb t\u00eb rinjt\u00eb p\u00ebr t\u00eb sjell\u00eb vendime t\u00eb informuara dhe gjithsesi t\u00eb kujdesen shum\u00eb m\u00eb tep\u00ebr p\u00ebr sh\u00ebndetin e tyre seksual\u201d, tha Ajshe Ajrullai.<\/p>\n

Edukimi seksual \u00ebsht\u00eb n\u00eb funksion t\u00eb avancimit t\u00eb sh\u00ebndetit mendor. K\u00ebshtu thot\u00eb profesoresha e psikologjis\u00eb Sheruze Osmani Ballazhi.<\/p>\n

Ajo thekson se pik\u00ebrisht n\u00eb k\u00ebt\u00eb drejtim duhet t\u00eb punohet me adoleshent\u00ebt, pasi n\u00eb k\u00ebt\u00eb mosh\u00eb ata jan\u00eb n\u00eb potencialin m\u00eb t\u00eb hovsh\u00ebm t\u00eb zhvillimit t\u00eb tyre.<\/p>\n

\u201cN\u00ebp\u00ebrmjet prizmit se edukimi seksual \u00ebsht\u00eb i orientuar edhe i bazuar n\u00eb t\u00eb drejtat e njeriut dhe \u00ebsht\u00eb i bazuar n\u00eb principin e k\u00ebnaq\u00ebsis\u00eb, n\u00eb k\u00ebt\u00eb funksion \u00ebsht\u00eb e orientuar n\u00eb rritje dhe zhvillim t\u00eb kapaciteteve t\u00eb adoleshent\u00ebve, t\u00eb sjelljes s\u00eb vendimeve duke u bazuar n\u00eb informatat relevante p\u00ebr shkak se atyre u ndodhin ndryshime t\u00eb m\u00ebdha n\u00eb k\u00ebt\u00eb periudh\u00eb, ky edukim ju ofron t\u00eb dh\u00ebnat q\u00eb jan\u00eb relevante dhe shkencore n\u00eb lidhje me karakteristikat se \u00e7far\u00eb ndodh me trupin e tyre, si zhvillohen, por nga ana tjet\u00ebr nj\u00ebjt\u00eb t\u00eb pranimit t\u00eb sjelljeve q\u00eb ndoshta jo edhe aq jan\u00eb t\u00eb d\u00ebshirueshme dhe dalin nga rolet gjinore t\u00eb cilat vendosen nga normat shoq\u00ebrore\u201d, tha Sheruze Osmani Ballazhi.<\/p>\n

P\u00ebrndryshe, si pasoj\u00eb e munges\u00ebs s\u00eb informacionit p\u00ebr sh\u00ebndetin e tyre seksual t\u00eb rinjt\u00eb n\u00eb RMV p\u00ebrballen me probleme t\u00eb ndryshme si lindjet m\u00eb mosh\u00eb t\u00eb hershme, infeksionet seksuale, mosnjohja e trupit t\u00eb tyre, shtatz\u00ebni t\u00eb pad\u00ebshiruara dhe t\u00eb tjera.<\/p>\n